Жил бүрийн Охид эмэгтэйчүүдийн эсрэг хүчирхийлэлтэй тэмцэх өдөр буюу 11 сарын 25-наас Хүний эрхийн өдөр буюу 12 сарын 10 хүртэлх 16 хоногийг 1991 оноос хойш “Жендэрт суурилсан хүчирхийлэлтэй тэмцэх 16 хоногийн аян” болгон тэмдэглэн ирсэн билээ. Монгол улс энэхүү дэлхийн хэмжээний аянд нэгдээд 25 жил болсон бөгөөд жил ирэх бүр хүрээгээ тэлж, хүчирхийллийн эсрэг нэгдсэн төрийн болон төрийн бус байгууллагууд, НҮБ-ын төрөлжсөн агентлагууд, хөгжлийн түншүүд, хувийн хэвшлийн байгууллагууд нэмэгдсээр байна. Энэ жил #нандинбүхнээхамгаалъя уриан дор нэгдэж аянаа эхлүүлж байна.